Ամերիկացին ընկերուհուն ամուսնության առաջարկություն է արել՝ երկնքում «գրելով»

1in.am-ը գրում է.

Կալիֆոռնիայի Բևեռլի Հիլզի ու Սանտա Մոնիկայի երկնքում հայտնվել է «ամպային» գրություն, որով ամուսնության առաջարկություն է արվել, գրում է The Daily Mail-ը:

Առաջարկությունը «գրել» է օդաչուն, սակայն հայտնի չէ՝ նա աղջկա սիրեցյալն է, թե կատարել է ինչ-որ մեկի պատվերը: 

Թռչող սարքի վառելիքի հետքով արված գրությունը բուռն ռեակցիա է առաջացրել տեղացի բլոգերների մոտ: Նրանք լուսանկարել են այն և նկարները տեղադրել համացանցում: Նրանցից շատերը հույս են հայտնել, որ աղջիկը համաձայնություն է տվել: 

Ինչպես ավելի ուշ պարզվել է, աղջիկն ընդունել է իր սիրեցյալի առաջարկությունը: Նրանց անունները հայտնի չեն: