Էդինբուրգում բարեգործական մերկապար է կազմակերպվել

1in.am-ը գրում է.

Էդինբուրգյան սթրիփ-ակումբն անցկացրել է բարեգործական երեկո, որի շրջանակում հավաքել է գումար ինչ-որ հիվանդ մարդու (հիվանդի խնդրանքով՝ նրա անունը չի հրապարակվել, հայտնի չէ նաև, թե ինչ հիվանդությամբ է նա տառապում) համար: Այս մասին գրում է EdinburghEveningNews-ը:

Միջոցառման կազմակերպչի խոսքով՝ բարեգործական սեանսը պետք է ոչ միայն օգնի հավաքել դրամական միջոցներ, այլև հանդիսատեսին ազատի մեղքի զգացումից, որ նրանք մերկապար են նայում: Ինչպես հայտնել են ակումբի ներկայացուցիչները, բարի նպատակը «միջոցառումը դարձնում է անվնաս»: 

Աղջիկներին տրված գումարը փոխանցվել է ֆինանսական օգնության կարիք ունեցող հիվանդ մարդուն: 

Հայտնի չէ, թե որքան գումար է հավաքվել 1 երեկոյի ընթացքում: