50 հարց, որ կստիպի ձեզ այլ կերպ ապրել
17:01 , 25 նոյեմբեր, 2013
Այս հարցերը ճիշտ կամ սխալ պատասխաններ չունեն, քանի որ երբեմն ճիշտ հարցն ինքնին պատասխանն է...
1. Որքա՞ն կլիներ ձեր տարիքը, եթե դուք չիմանայիք, թե քանի տարեկան եք:
2. Ո՞րն է ավելի վատ` ձախողվե՞լը, թե երբեք չփորձելը:
3. Եթե կյանքը կարճ է ինչո՞ւ ենք մենք անում այնպիսի բաներ, որ չենք սիրում կամ շատ բան, որ սիրում ենք, ուղղակի չենք անում:
4. Երբ ամեն ինչ ասված ու արված է, դուք կասեի՞ք ավելին, քան արել եք:
5. Ո՞րն է այն բանը, որ առավել շատ կցանկանայիք փոխել:
6. Եթե երջանկությունը լիներ ազգային փոխարժեք, ո՞ր աշխատանքը քեզ ավելի երջանիկ կդարձներ:
7. Դու անում ես այն, ինչին հավատո՞ւմ ես, թե ուղղակի հարմարվում ես նրան, ինչ անում ես:
8. Եթե մարդու միջին տարիքը հասներ մինչև 40-ին, ինչպե՞ս կապրեիր կամ կփոխեիր քո կյանքը:
9. Ի՞նչ աստիճան է եղել ձեր միջամտությունը այն բանում, թե ինչպես է դասավորվել ձեր կյանքը:
10. Դուք ավելի շատ կենտրոնանում եք ձեր քայլերը ճիշտ անելո՞ւ, թե ճիշտ քայլեր անելու վրա:
11. Դու ճաշում ես քո կողմից հարգված 3 մարդկանց հետ, ումով հիանում ես, ու նրանք սկսում են քննադատել քո մտերիմ ընկերոջը` առանց իմանալու, որ նա քո ընկերն է: Նրանց քննադատությունը անարդարացի է ու անտանելի: Ի՞նչ կանես:
12. Եթե դու հնարավորություն ունենայիր նորածին երեխային միայն մեկ խորհուրդ տալ, ո՞րը կլիներ դա:
13. Կխախտեի՞ր օրենքը` սիրածդ մարդուն փրկելու համար:
14. Դուք երբևէ տեսե՞լ եք խենթություն մի բանում, որտեղ հետո ստեղծարարություն եք տեսել:
15. Ո՞րն է այն բանը, որ գիտեք, որ չեք անում այնպես, ինչպես մյուս մարդիկ են անում:
16. Ինչպե՞ս է պատահում, որ այն երևույթները, որոնք քեզ երջանկացնում են, մյուսներին երջանկություն չեն պարգևում:
17. Ո՞րն է այն բանը, որ չեք արել, սակայն շատ եք ցանկանում անել դա: Ի՞նչն է ձեզ հետ պահում անելուց:
18. Կա՞ մի բան, որից կառչում եք, բայց որն ուղղակի պետք է մոռանաք:
19. Եթե ստիպված լինեիք տեղափոխվել այլ քաղաք կամ բնակավայր, ո՞ւր կտեղափոխվեիք և ինչո՞ւ:
20. Վերելակի կոճակը մի քանի անգա՞մ եք սեղմում: Դուք իսկապես հավատո՞ւմ եք, թե այդպես այն ավելի արագ կշարժվի:
21. Ո՞րն է ավելի լավ` անհանգիստ հանճար լինելը, թե ուրախ, բայց պարզամիտ լինելը:
22. Ինչո՞ւ ես դու, դու:
23. Դու այնպիսի՞ ընկեր ես, ինչպիսի ընկեր որ կցանկանայիր ունենալ:
24. Ո՞րն է ավելի վատ, երբ լավ ընկերը տեղափոխվո՞ւմ է, թե քեզ մոտ ապրող լավ ընկերոջ հետ կապը կորցնելը:
25. Ինչի՞ համար ես դու առավել երախտապարտ:
26. Ո՞րն է ավելի լավ` կորցնել բոլոր հին հիշողություննե՞րը, թե երբեք այլևս չունենալ նոր հիշողություններ:
27. Հնարավո՞ր է պարզել ճշմարտությունն` առանց սկզբում այն փորձելու:
28. Երբևէ քո վախերն իրականացե՞լ են:
29. Հիշո՞ւմ ես 5 տարի առաջ այն օրը, երբ անտանելի տխուր էիր: Արդյո՞ք դա այժմ որևէ նշանակություն ունի:
30. Ո՞րն է մանկությանդ ամենաուրախ հիշողությունը, ի՞նչն է այն այդքան հատուկ դարձնում քեզ համար:
31. Ե՞րբ ես վերջին անգամ քեզ ոգևորված ու կյանքով լի զգացել:
32. Եթե ոչ հիմա, ապա ե՞րբ:
33. Եթե դեռ չես հասել դրան, ի՞նչ ունես կորցնելու:
34. Դուք երբևէ ինչ-որ մեկին հանդիպել եք, ում հետ ոչինչ չխոսելով, հեռացել եք այն զգացումով, ասես երբևէ ունեցած ամենալավ երկխոսությունն եք ունեցել:
35. Ինչո՞ւ են կրոնները, որոնք սեր են քարոզում, այսքան պատերազմների պատճառ են դառնում:
36. Հնարավո՞ր է երբևէ առանց որևէ կասկածի իմանալ, որն է բարի և որը չար:
37. Եթե միլիոն դոլար շահեիք, դուրս կգայի՞ք աշխատանքից:
38. Ո՞րն է ավելի լավ` քիչ աշխատանք ունենալը, թե խիստ զբաղված աշխատանք ունենալը, որը դուք վայելում եք:
39. Դուք երբևէ ունեցել եք այնպիսի զգացում, կարծես ցանկացել եք հարյուր անգամ ապրել այդ օրը:
40. Երբ եք վերջին անգամ դուրս եկել մթության մեջ միայն այն բանի համար, որ տեսնեք արդյոք այն ինչին դուք հավատում եք, իրականում գոյություն ունի՞:
41. Եթե դուք իմանայիք, որ բոլորը վաղը պետք է մահանան, ո՞ւմ դուք կայցելեիք առաջինը:
42. Կհամաձայնեի՞ք ձեր կյանքից 10 տարի կրճատել` հայտնի ու գրավիչ լինելու համար:
43. Ո՞րն է կենդանի լինելու և իսկապես ապրելու միջև տարբերությունը:
44. Ե՞րբ է ռիսկերը հաշվարկելու ու արդյունքի մասին մտածելը դադարեցնելու ու վերջապես գործի անցնելու ժամանակը:
45. Եթե մենք սովորում ենք մեր սխալներից, ապա ինչո՞ւ ենք վախենում սխալներ գործելուց:
46. Ի՞նչը բոլորովին այլ կերպ կանեիք, եթե իմանայիք, որ ոչ ոք ձեզ դրա համար չի դատի:
47. Ե՞րբ ես վերջին անգամ լսել քո իսկ շնչի ձայնը:
48. Ի՞նչ ես սիրում: Քո վերջին քայլերն արտահայտել են այդ սերը:
49. Այս պահից 5 տարի հետո, կհիշե՞ս, թե ինչ ես արել երեկ, իսկ կհիշե՞ս, թե ինչ ես արել երեկ չէ առաջին օրը:
50. Այս պահին որոշումներ են կայացվում, հարցն այն է, թե ինքնուրույն ես դրանք կայացնու՞մ, թե թույլ ես տալիս ուրիշներին կայացնել դրանք քո փոխարեն:
Կիսվեք ձեր կարծիքներով` ներքևում թողնելով ձեր մեկնաբանությունները: