Ամերիկացիների վստահությունն Օբամայի նկատմամբ հասել է ռեկորդային ցածր մակարդակի

1in.am-ը գրում է.

Ամերիկացիների ընդամենը 42 տոկոսն է իր նախագահին համարում վստահության արժանի: Այս մասին գրում է The Raw Story-ն՝ վկայակոչելով հասարակական կարծիքի հարցումները:

Վստահության նման կտրուկ անկման գլխավոր պատճառը մասնագետները համարում են առողջապահական բարեփոխումը, որն Օբամայի կարևորագույն նախաձեռնություններից էր:

Օբամայի ժողովրդականությունը սկսել էր կտրուկ ընկնել դեռևս հոկտեմբերի սկզբին, երբ ԱՄՆ կառավարությունը բյուջետային ճգնաժամի պատճառով դադարեցրել էր աշխատանքը:

Հարցման մասնակիցների 19 տոկոսը հայտնել է, որ հավատում է բարեփոխման հաջողությանը, մինչդեռ 57 տոկոսը թերահավատորեն է վերաբերվել դրան:

Սրանք առաջին սոցհարցման արդյունքներն են այն բանից հետո, երբ նախագահը ներողություն էր խնդրել բարեփոխման իրականացման ցածր մակարդակի համար:

Առողջապահական բարեփոխումից բացի ամերիկացիների դժգոհությունն են հարուցում նաև Օբամայի արտաքին, միգրացիոն, ինչպեսև պետբյուջեի եկամուտների բաշխման քաղաքականությունը: