Հայրիկյանի դեմ ոչ թե մահափորձ էր, այլ հարձակում. Փաստաբան Սիրունյան
14:31 , 20 նոյեմբեր, 2013Panorama.am-ը գրում է.
«Մենք գործ ունենք ոչ թե Պարույր Հայրիկյանի նկատմամբ իրականացված մահափորձի, այլ հարձակման հետ», -Վերաքննիչ դատարանում Վարդան Սեդրակյանի և մյուսների գործով բողոքի քննությունից առաջ այսօր լրագրողների հետ հանդիպման ժամանակ հայտարարեց Վարդան Սեդրակյանի փաստաբան Ալեքսանդր Սիրունյանը:
Հիշեցնենք` Սեդրակյանը, որը մեղադրվում էր պետական, քաղաքական գործչի` Պարույր Հայրիկյանի նկատմամբ մահափորձ կատարելու համար, որն ուղղված էր նրա գործունեությունը դադարեցնելուն, դատապարտվել էր 14 տարի ազատազրկման: Մահափորձի իրականացման մասնակիցներ Խաչատուր Պողոսյանը դատապարտվել էր 12, իսկ Սամվել Հարությունյանը13 տարվա ազատազրկման:
Սիրունյանը հստակեցրեց, որ Պարույր Հայրիկյանի նկատմամբ իրականացվածը հարձակում էր և դա դատաքննության ընթացքում իրենց ստացած օբյեկտիվ եզրահանգումն էր:
«Վարդան Սեդրակյանի վզին այսօր փաթաթված է մի խնդիր, որի հետ ինքը առնչություն չունի: Եթե Խաչիկն ասում է` կրակել եմ, Աստված Ձեզ հետ, դատեք Խաչիկին, եթե ուզու եք երկու հոգի դատեք, դատեք երկուսին, ուզում եք հնչեղ գործ սարքեք այն մասին, որ երկու հոգի կրակել են անկախության սիմվոլի վրա, Աստված Ձեզ հետ, մեզ հանգիստ թողեք», -հայտարարեց փաստաբանը:
Ամբողջական հոդվածը կարող եք կարդալ այստեղ