Շվեդիայի կինոթատրոնները ֆիլմերն ընտրում են գենդերային հավասարության չափանիշով

Kinoashkharh.am-ը գրում է.

«Ասոշիեյթեդ պրեսս» գործակալությունը հաղորդում է, որ շվեդական կինոթատրոնները ֆիլմերի վարկանիշի նոր համակարգ են ներդնում. որքանով են դրանք հետևում սեռերի հավասարության սկզբունքին:

Համակարգն արդեն ներդրվել է չորս կինոթատրոնում: Այն հիմնվում է այսպես կոչված Բեկդելի թեստի վրա:  Այս թեստն իր անվանումը ստացել է ի պատիվ ամերիկացի նկարչուհի Էլիսոն Բեկդելի, որի կոմիկսներից մեկում է հենց առաջադրվել թեստի հայեցակարգը: Ըստ դրա չափանիշների` ֆիլմը կարող է բարձր վականիշ ունենալ, եթե նրանում  առնվազն երկու իգական սեռի անուն ունեցող գործող անձ կա, որոնք խոսում են միմյանց հետ, ընդ որում նրանց խոսակցության թեման տղամարդը չէ:

«Մատանիների տիրակալի», «Աստղային պատերազմների» բոլոր մասերը, ինչպես նաև այնպիսի ֆիլմեր, ինչպիսիք են «Սոցիալական ցանցը», «Քրեական ընթերցվածքը» և գրեթե բոլորը, բացի մեկից` «Հարիի Փոթերից», ճռնչալով տապալվում են` չդիմանալով այս քննությանը»,- ասում է Էլեն Տեյլեն` «Bio Rio» կինոթատրոնի տնօրենը, որում կիրառվում է այս վարկանիշը: