Հայոց լեզվի և գրականության դասագրքերը Վրաստանի հայկական դպրոցներ դեռ չեն ուղարկվել
10:02 , 13 նոյեմբեր, 2013Panorama.am-ը գրում է.
Վրաստանի հայկական դպրոցներ Հայոց լեզվի և գրականության դասագրքերի առաքումը դարձյալ ձգձգվում է: Կազմակերպչական հարցեր կան, որոնք Հայաստանի կրթության և գիտության նախարարությունը լուծում է, ինչից հետո արդեն գրքերը կառաքվեն:
Հումանիտար բեռ ձևակերպելու նպատակով Հայաստանի և Վրաստանի ԿԳ նախարարությունների միջև երկու ամիս տևած նամակագրությունն ավարտվել էր նախորդ շաբաթ, նախատեսվում էր, որ արդեն այս շաբաթ գրքերը պետք է առաքվեին:
ՀՀ ԿԳ նախարարության աշխատակազմի արտաքին կապերի վարչության Սփյուռքի բաժնի պետ Նունե Վարդանյանը Panorama.am-ի թղթակցին տեղեկացրեց, որ բեռը միջազգային է ու սահման է հատելու, պետք է մաքսային ձևակերպում արվի, ինչպես նաև ԿԳՆ-ն պետք է գտնի կազմակերպություն, պայմանագիր կնքի, որից հետո կառաքի գրքերը:
Ամբողջական հոդվածը կարող եք կարդալ այստեղ