Առաջատարն առաջին հաղթանակն է պարգևում

Footsport.am-ը գրում է.

Այսօր Վարշավայում  կայացավ   շախմատի տղամարդկանց և կանանց Եվրոպայի թիմային առաջնությունների 2-րդ մրցափուլի հանդիպումները: Տղամարդկանց Հայաստանի հավաքականի մրցակիցը Մոնտենեգրոյի ընտրանին է, որն  առաջին մրցափուլում ոչ-ոքի` 2-2 հաշվով է ավարտել հանդիպումը իսպանացիների հետ: Հիշեցնենք, որ Հայաստանի հավաքականն էլ նույն արդյունքն էր գրանցել բուլղարացիների հետ մրցամարտում:  Առաջինն ավարտվեց Լևոն Արոնյան- Նիկոլա  Ջուկիչ պարտիան: Հայաստանի հավաքականի առաջատարը սպիտակ խաղաքարերով  պարզապես ջլատեց մրցակցի պաշտպանությունը, և Ջուկիչը ստիպված էր 35-րդ քայլին ընդունել պարտությունը: Այսպիսով, Հայաստանի հավաքականի առաջատարն առաջին լիարժեք միավորը բերեց մեր ընտրանուն, որն, ինչպես ավելի ուշ  պարզվեց, վճռորոշ նշանակություն ունեցավ:  Հաջորդն ավարտվեց  Տիգրան Պետրոսյանի և Դրագան Կոշիչի պարտիան: 40-րդ քայլին մրցակիցները խաղաղ դաշն կնքեցին: 43-րդ քայլին նույնպիսի արդյունք գրանցվեց նաև Սերգեյ Մովսիսյան – Դրագիչա Բլագոևիչ պարտիայում: 

Ամբողջական հոդվածը կարող եք կարդալ այստեղ