Վրաստանի գլխավոր դատախազ կդառնա ֆինանսների նախարարության քննչական ծառայության ներկայիս ղեկավարը

1in.am-ը գրում է.

Վրաստանի գլխավոր դատախազի պաշտոնը կզբաղեցնի երկրի ֆինանսների նախարարության քննչական ծառայության ներկայիս ղեկավար Օթար Պարցխվալաձեն՝ հաղորդում է Gazeta.ru-ն:

Այս տեղեկատվությունն այսօր հաստատել է Վրաստանի վարչապետի պաշտոնի թեկնածու Իրակլի Գարիբաշվիլին, ով ներկայում ղեկավարում է ՆԳՆ-ն:

Հիշեցնենք, որ գլխավոր դատախազ Արչիլ Կբիլաշվիլին հայտարարել է հրաժարական տալու իր որոշման մասին: Նա պաշտոնից կհեռանա նորընտիր նախագահ Գեորգի Մարգվելաշվիլիի երդմնակալության արարողությունից հետո:

Վրաստանի ապագա վարչապետը համոզված է, որ Պարցխվալաձեն կլինի «արդյունավետ գլխավոր դատախազ»: