Ոստիկաններն ինձ ծեծել ու հայհոյել են. Շանթ Հարությունյանի որդի

1in.am-ը գրում է.

Շանթ Հարությունյանի որդին՝ Շահեն Հարությունյանը, այսօր ՀՀ ոստիկանության քննչական գլխավոր վարչության դիմաց ընկերների հետ կազմակերպել էր ակցիա՝ ի պաշտպանություն հոր և ձերբակալված մյուս ակտիվիստների:

Երեխաները եկել էին՝ «Սա դեռ Շանթն էր, Կայծակը մենք ենք», «Դու հերոս ես, Վարդան Վարդանյան», «Армения без Путина» և այլ պաստառներով:

Շահեն Հարությունյանն «Առաջին լրատվական»-ի հետ զրույցում ասաց, որ իրեն ազատ են արձակել բերման ենթարկելու հաջորդ օրը՝ նոյեմբերի 6-ի առավոտյան, սակայն բերման ենթարկելու ճանապարհին ոստիկաններն իրեն ծեծել ու հայհոյել են: 

Նա կարծում է, որ ընկերների հետ պայքարի դուրս գալով՝ կկարողանա հասնել նրան, որ հորը և նրա ընկերներին ազատ կարձակեն:

Նշենք նաև, որ ակցիայի ժամանակ Շանթ Հարությունյանին և ևս երկու մարդու դուրս բերեցին վարչության շենքից՝ նստեցնելով ոստիկանական մեքենան, բայց թե ուր տարան՝ հայտնի չէ: 

Մանրամասները դիտեք տեսանյութում: