Ռուսաստանում դպրոցական աղջիկները ծեծել են համադասարանցուն (Տեսանյութ) 18+

Aysor.am-ը գրում է.

Այս գիշեր համացանցում հայտնվել է սկանդալային մի տեսանյութ, որում դպրոցականները ծեծում ու նվաստացնում են իրենց համադասարանցի մի աղջկա: Այս մասին հայտնում է «НТВ» հեռուստաընկերությունը:

Կադրերում երևում է, ինչպես են դպրոցական աղջիկները հերթով քաշում համադասարանցու մազերից, իսկ վերջինս ձեռքերով փակում է դեմքը:

Կարճ ժամանակում այս տեսանյութն արդեն հավաքել է 3000 դիտում:

Պարզվել է, որ դեպքը տեղի է ունենում Բաշկորտաստանի Հանրապետության Բայմակ քաղաքի դպրոցներից մեկում:

Տեսանյութը դիտած մարդկանց մի մասը ճանաչել է տեսանյութի «հերոսներին» ու մեկնաբանություններում տեղադրել դեռահասների անձնական էջերը սոցցանցերում: Ավելի ուշ` դրանք ջնջվել են:

Ամենայն հավանականությամբ, շուտով տեսանյութը կհայտնվի նաև իրավապահների ուշադրության կենտրոնում: