Վրաստանի նորընտիր նախագահը հրաժարվել է բնակվել Սաակաշվիլիի նստավայրում

1in.am-ը գրում է.

Վրաստանի նորընտիր նախագահ Գեորգի Մարգվելաշվիլին հայտարարել է, որ մտադիր չէ բնակվել Միխեիլ Սաակաշվիլիի թբիլիսյան պալատում, այլ կբավարարվի համեստ բնակարանով, որը գտնվում է պետվարչության շենքում՝ հաղորդում է Interfax-ը:

Սաակաշվիլիի առանձնատան արժեքը կազմում է ավելի քան 200 միլիոն դոլար: Շենքը հնարավոր է փոխանցվի Վրաստանի տեխնոլոգիական համալսարանին:

Հիշեցնենք, որ նոր նախագահի երդմնակալության արարողությունը տեղի կունենա նոյեմբերի 17-ին: