Մուգ շրջանակներ աչքերի տակ. Ի՞նչ անել

Aysor.am-ը գրում է.

Աչքերի տակի մաշկը բարակ է և նուրբ: Դրա միջով անցնում են մազանոթները` շատ փոքր արյունատար անոթները: Անոթի պայթելու ժամանակ տեղի է ունենում արյունազեղում և աչքերի տակ շրջանակներ են առաջանում:

Անոթների փխրունությունը աչքերի տակ սև շրջանակների առաջացման պատճառներից մեկն է: Աչքերի տակ գտնվող մազանոթներն այնքան բարակ են, որ դրանցում արյան էրիթրոցիտները միայն մեկ շերտով են անցնում: Բարձր ճնշումը և մազանոթների փխրունությունը հանգեցնում են անոթների պատի վնասման, որի հետևանքով էրիթրոցիտները դուրս են գալիս մաշկի մակաերես և տեղի է ունենում արյունազեղում: Վերջինիս պարբերաբար կրկնվելու դեպքում աչքերի տակ առաջանում են մուգ շրջանակներ. փաստացի դրանք կապտուկներ են:

Աչքերի տակի մուգ շրջանակները կարելի է թաքցնել շպարի օգնությամբ

Կապտուկը շտկելու համար պետք է օգտագործել գունավոր շպար: Սկզբում պետք է օգտագործել սպիտակ գույնը, որը մեղմացնում է վառ կապույտը: Ապա քսել վարդագույն երանգ: Արդեն վարդագույն երանգ ստացած կապտուկին ավելացնել դեղինը: Արդյունքում ստացվում է մաշկի բնական գույն:

Աչքերի տակի մուգ շրջանակներից կօգնեն ազատվել աչքերի մկանների շրջանաձև վարժությունները:

Վարժությունների առաջին մաս. նայել առաջ, ապա ձախ, հետո աջ, վերև և ներքև: Շարժումները պետք է լարված և ակտիվ լինեն: Կրկնել գործողությունը 5-6 անգամ: Ապա կատարել աչքերի շրջանաձև շարժում ժամացույցի սլաքի ուղղությամբ, հետո սլաքին հակառակ ուղղությամբ:

Վարժությունների երկրորդ մաս. մի քանի անգամ ուժեղ կծկել աչքերը 3-4 վայրկյանով: Օգտակար է նաև աչքերի թույլ մերսումը: