Վրաստանի վարչապետ կնշանակվի երկրի ներքին գործերի նախարար Իրակլի Գարիբաշվիլին. վրացական ԶԼՄ-ներ

1in.am-ը գրում է.

Այսօր «Վրացական երազանքի» քաղխորհուրդը միաձայն հավանության է արժանացրել Իվանիշվիլիի առաջարկած՝ երկրի ապագա վարչապետի թեկնածությունը:

Խորհրդարանի պատգամավոր Զաքարիա Կուցնաշվիլին և քաղխորհրդի մյուս անդամները, սակայն, հայտարարում են, որ երկրի ապագա վարչապետի անունը կհայտարարվի այսօր՝ օրվա երկրորդ կեսին Իվանիշվիլիի՝ խորհրդարանական մեծամասնության հետ հանդիպումից հետո: 

Վրաստանում իշխող «Վրացական երազանք» կոալիցիայի անդամները հրաժարվել են անվանել երկրի վարչապետ Բիձինա Իվանիշվիլիի առաջարկած երկրի կառավարության ղեկավարի անունը, սակայն տեղի ԶԼՄ-ները ու քաջատեղյակ աղբյուրները հայտարարում են, որ այդ պաշտոնին նշանակվելու է Վրաստանի ներքին գործերի նախարար Իրակլի Գարիբաշվիլին: Այս մասին հայտնում է ITAR-TASS-ը: