Բրիտանացի հրշեջները գործադուլ են հայտարարել «Խարույկների գիշերվա» նախօրեին

1in.am-ը գրում է.

Անգլիայի և Ուելսի հրշեջների արհմիությունն այսօր տեղի ժամանակով ժամը 18:30-ից (Երևանի ժամանակով ժամը 22.30) մինչև 23:00-ն (Երևանի ժամանակով 03:00) գործադուլ կանցկացնի: Գործադուլը երկու ժամով կանցկացվի նաև երկուշաբթի՝ նոյեմբերի 4-ին՝ «Խարույկների գիշերվա» նախօրեին: 

Գործադուլի պատճառը կառավարության կողմից մշակված կենսաթոշակային բարեփոխումն է: Այս մասին հայտնում է ITAR-TASS-ը:

«Խարույկների գիշերը» նշվում է նոյեմբերի 5-ին՝ Անգլիայի ու Ուելսի մի շարք շրջաններում:

Հրշեջները հատուկ նախազգուշացում են տարածել, որում կոչ են արել բրիտանացիներին զգուշավորություն դրսևորել կրակի հետ վարվելիս: 

Կառավարության հետ աշխատանքային վեճի կենտրոնում հրշեջների թոշակի անցման տարիքի բարձրացման մասին դրույթն է (55-ից 60-ի): 55 տարեկանում նրանցից յուրաքանչյուրը պետք է հատուկ հանձնաժողով անցնի՝ մասնագիտական պիտանելիության որոշման համար: Նրանք, ովքեր առողջական վիճակի պատճառով անաշխատունակ կճանաչվեն, ցածր կենսաթոշակով արտահերթ թոշակի կուղարկվեն:

Այժմ արհմիությունները գործադուլների շարքով փորձում են այդ նորմի ներմուծում թույլ չտալ: