Lurer.com-ը գրում է․

Եմենի շիաները «Անսար Ալլահ» խմբավորումից (հայտնի են` որպես հութիներ-խմբ.) պնդում են, որ բալիստիկ հրթիռով հարվածել են Թել Ավիվում Իսրայելի պաշտպանության նախարարության շենքին, հայտնում է խմբի մամուլի ծառայությունը, գրում է Al Masirah-ը:

Հութիների ռազմական խոսնակն ասել է, որ «հրթիռը բարձր ճշգրտությամբ խոցել է իր թիրախը»:

Իսրայելի պաշտպանության բանակի տվյալներով՝ Եմենի տարածքից մեկ բալիստիկ հրթիռ է արձակվել և հաջողությամբ կալանվել։ Ոչ ոք չի տուժել։ Իսրայելական Ynet հրատարակությունը հրապարակում է ազատ տարածքում խոցված հրթիռի բեկորի լուսանկար։ Միաժամանակ, իրենք՝ հութիները, պնդում են, որ Իսրայելի հակաօդային պաշտպանության ուժերը չեն կարողացել խոցել իրենց «Զուլֆիկար» հրթիռը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել