Lurer.com-ը գրում է.

Վրաստանի նախկին նախագահ Միխայիլ Սաակաշվիլին հայտարարել է, որ ցանկանում է իր մահից հետո հուղարկավորվել Ուկրաինայում։ Այս մասին նա հայտարարել է դատական նիստում, որը տեղի է ունեցել Թբիլիսիի մասնավոր «Վիվամեդ» կլինիկայից՝ տեսակապի միջոցով, որտեղ նա բուժման կուրս է անցնում, փոխանցում է ՏԱՍՍ-ը։

Փետրվարի 1-ին տեղի է ունեցել Թբիլիսիի քաղաքային դատարանի նիստը, որի ժամանակ քննարկվել է առողջական պատճառներով քաղաքական գործչին պատժից ազատելու հարցը։

«Ես բացարձակապես վստահ եմ մեր հաղթանակին, բայց եթե չտեսնեմ այս հաղթանակը, որն այդքան մոտ է, իմ սիրտը պետք է թաղվի Կիևում։ Այն պատկանում է Ուկրաինային»,- ուկրաիներեն ասել է Սաակաշվիլին։

Դրանից հետո Վրաստանի նախկին նախագահը բարձրացրել է im ukrainian (ես ուկրաինացի եմ) մակագրությամբ մարզաշապիկը և ցույց տվել որովայնը։ Դատավոր Գիորգի Արեւաձեի՝ սննդամթերքի ու դեղորայքի հասանելիության մասին հարցին Սաակաշվիլին դրական է պատասխանել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել