ArmLur.am-ը գրում է․

ArmLur.am-ի տեղեկություններով՝ ՀՀ վարչապետ Նիկոլ Փաշինյանն այսօր արտախորհդարանական ուժերին կանչել է հանդիպման: ArmLur.am-ը տեղեկացավ, որ հանդիպման ժամանակ կքննարկեն այն փաստաթուղթը, որը Մհեր Գրիգորյանին ՌԴ-ում ասել են, որ պետք է ստորագրի:

Նկատենք, որ նման իրավիճակներում, երբ սպասվում է որևէ փաստաթղթի ստորագրում, Նիկոլ Փաշինյանը սկսկում է նման հանդիպումներ ունենալ, որ հետո ասի, որ իրենք ինչ կա բաց ներկայացրել են քաղաքական ուժերին:

Հիշեցնենք, որ նախօրեին մինչ ուշ գիշեր, ԱԺ ՔՊ խմբակցությունը նիստ էր հրավիրել: Տեղեկացանք, որ իշխանական պստգամավորները քննարկել են ՀՀ փոխվարչապետ Մհեր Գրիգորյանի՝ ՌԴ այցի արդյունքները։

ArmLur.am-ի տեղեկություններով՝ հանդիպմանը հիմնականում խոսել են վարչապետ Նիկոլ Փաշինյանն ու պաշտպանության նախարար Սուրեն Պապիկյանը, որոնք հայտնել են, որ պետք է որոշ կետերի հետ կապված միասնական որոշում կայացնեն, որպեսզի Մհեր Գրիգորյանն առաջիկայում դրանք ներկայացնի ստեղծված հանձնաժողովին: Ներկաները տպավորություն են ստացել, որ կրկին փաստաթուղթ է պատրաստվում ստորագրության, որի վերաբերյալ բովանդակային պատկերացում եւ քննարկում չկա։

Մեր տեղեկություններով՝ այսուհետ «չարագուշակ» փաստաթղթերը կստորագրի ոչ թե վարչապետ Փաշինյանը, այլ ենթադրաբար Մհեր Գրիգորյանը եւ Սուրեն Պապիկյանը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել