Հայտնի է, թե որ ակումբը կգլխավորի Գվարդիոլան Մանչեսթեր Սիթիից հետո

Armsport.am-ը գրում է․

Ըստ 90min-ի՝ «Մանչեսթեր Սիթիի» գլխավոր մարզիչ Խոսեպ Գվարդիոլան «Քաղաքաբնակների» հետ պայմանագիրն ավարտելուց հետո կարող է կարիերան շարունակել MLS-ում։

Ըստ աղբյուրի՝ կատալոնացի մասնագետի հաջորդ ակումբը «Նյու Յորք Սիթին» է։ Հիշեցնենք, որ «Բարսելոնայից» հեռանալուց հետո Գվարդիոլան մեկ տարի ապրել է Նյու Յորքում, իսկ հետո գլխավորել «Բավարիան»։

Գվարդիոլայի գործող պայմանագիրը «Մանչեսթեր Սիթիի» հետ նախատեսված է մինչև 2023 թվականի ամառը։

Ամենայն հավանականությամբ, մասնագետը չի երկարաձգի պայմանագիրն անգլիական ակումբի հետ։