Armsport.am-ը գրում է․

ՈւԵՖԱ-ն պաշտոնական հայտարարություն է տարածել դանիացի կիսապաշտպան Քրիստիան Էրիկսենի առողջական վիճակի մասին, ով առաջին խաղակեսում կորցրել էր գիտակցությունը Ֆինլանդիայի դեմ խաղում:

«Դանիայի ազգային հավաքականի խաղացող Քրիստիան Էրիկսենի՝ բժշկական շտապ օգնություն ցուցաբերելուց հետո տեղի է արտակարգ հանդիպում ինչպես թիմերի ներկայացուցիչների, այնպես էլ պաշտոնատար անձանց հետ: Մենք լրացուցիչ տեղեկատվություն կտրամադրենք 21:45-ին (Երևանի ժամանակով): Խաղացողին տեղափոխում են հիվանդանոց: Նրա վիճակը կայունացել է», – ասվում է ՈՒԵՖԱ-ի հայտարարության մեջ:

Հիշեցնենք, որ դեպքը տեղի է ունեցել առաջին խաղակեսի վերջում: Սկզբում խաղացողին օգնեցին ֆուտբոլիտները, ապա թիմի բժիշկները, իսկ ավելի ուշ հայտնվեցին շտապօգնության բժիշկներ, որոնք Էրիկսենին սրտի մերսում էին անում:

Կիսապաշտպանին դուրս բերեցին խաղադաշտից՝ սավաններով ծածկված : Նշենք, որ Էրիկսենի կինը արցունքներով իջավ տրիբունայից. նրան հանգստացնում էին Դանիայի ազգային հավաքականի ֆուտբոլիստներ Կասպեր Շմեյխելը և Սիմոն Կյաերը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել