Aysor.am-ը գրում է.
Սյունիքում հայկական կողմը բանակցություններում իր պահանջներն է ներկայացրել, այս մասին Aysor.am-ին հայտնեցին ՀՀ պաշտպանության նախարարությունից։
«Ասվել է, որ որևէ մետր տարածք չենք պատրաստվում զիջել ադրբեջանական կողմին, և պահանջվել է նրանցից հետ քաշվել ելման դիրքեր», - փոխանցեցին ՊՆ-ից։
Ըստ ՀՀ պաշտպանության նախարարության՝ ադրբեջանցիներն այս պահին իրենց վերադասի հրամանին են սպասում:
Անվտանգության խորհրդիր երեկվա նիստում ՀՀ վարչապետի պաշտոնակատար Նիկոլ Փաշինյանը հայտարարել էր, որ ադրբեջանական զինուժի շուրջ 250 ներկայացուցիչներ գտնվում են Սյունիքի և Գեղարքունիքի մարզերի որոշ հատվածներում։
«Իրադրության խորը և համակողմանի գնահատումն ակնհայտ է դարձնում, որ ադրբեջանցիների իրականացրածը սադրանք է, որը կարող է ունենալ շատ ավելի ընդարձակ, ռազմաքաղաքական նպատակներ»,-ասել էր Նիկոլ Փաշինյանը։
Ամբողջական հոդվածը կարող եք կարդալ այստեղ:
