Analitik.am-ը գրում է.

Ինչն է խանգարել Արթուր Վանեցյանին կամ Միքայել Համբարձումյանին, որպեսզի պաշտոնավարման ընթացքում ձերբակալեն Նիկոլ Փաշինյանին կամ այն պաշտոնյաներին, որոնց մեջ խնդիր են տեսնում:

Այսօր մամուլի ասուլիսի ժամանակ Արթուր Վանեցյանը հայտարարեց, որ դրա մասին անպայման կխոսի, խոստանում է. «Այս պահին ասել, թե ինչու չձերբակալեցինք, քայլեր չարեցինք… մենք արել են… այն անձինք, այն ուժերը, ովքեր դրսի օրակարգեր են սպասարկել, նրանց մասով արվել են աշխատանքներ: Դրա մասին մի օր կխոսենք: Եկեք այսօրվա ասուլիսը հարցազրույցի ֆորմատի չվերածենք»:

Ամեն դեպքում վերադառնալով հարցին, թե ինչու չձերբակալեցին Փաշինյանին, Վանեցյանն ասաց, որ Հայաստանում կա մի մոլորված զանգված, որը դեռևս մինչև հիմա մոլորության մեջ է. «Երկիրը կործանման տարած, Արցախի 75 տոկոսը թշնամուն հանձնած, անտաղանդ կառավարիչներ, երկիրը կործանած մարդիկ այսօր շարունակում են կառչած մնալ իրենց աթոռից, քանի որ այս տարիների ընթացքում մարդիկ մոլորեցվել են, այսօր ունենք մի զանգված, ովքեր մոլորյալներ են: Քաղաքական շատ ուժեր նրանց այլ անուններ են տալիս, սակայն ես ասում եմ, որ մոլորյալներ են: Մեր այսօրվա խոսքը նաև ուղղված է հենց նրանց, որ նրանց մոլորությանից հանենք»:

Միքայել Համբարձումյանն իր հերթին ասաց, որ իր պաշտոնավարման ժամանակ քրեական վարույթ նախաձեռնելու իրավական հիմքեր չի տեսել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել