Tert.am-ը գրում է.
Պատմության մեջ առաջին անգամ Արաբական Միացյալ Էմիրությունների դեսպանը ժամանել է Թել Ավիվ, հայտնել է Korrespondent–ը՝ հղում տալով արաբական Al Jazeera հեռուստաալիքին։ Դեսպան Մուհամմադ ալ-Հաջն այսօր ժամանել է Թել Ավիվ՝ իր ծառայություն սկսելու նպատակով:
Ավելի վաղ՝ փետրվարի 14-ին, Մուհամմադ ալ-Հաջը երդվել էր որպես Իսրայելում ԱՄԷ դեսպան: Իսկ հունվարի 24-ին Աբու Դաբիում պաշտոնապես բացվել էր ԱՄԷ-ում Իսրայելի դեսպանությունը: Նույն օրը Էմիրությունների կառավարությունը հաստատել էր Թել Ավիվում երկրի դեսպանություն բացելու մասին տեղեկությունը:
Ըստ իսրայելական լրատվամիջոցների, Թել Ավիվում ԱՄԷ-ի առաջին դեսպանը 41 տարեկան է: Նա ազնվական ընտանիքի անդամ է, ամուսնացած է, ունի 4 որդի: Ալ-Հաջը քաղաքագիտություն է սովորել Բոսթոնի Հյուսիսարևելյան համալսարանում, ավարտել է նաև իսկ Վիեննայի տնտեսագիտական և բիզնեսի համալսարանը: Դեսպանի պաշտոնական կենսագրության համաձայն, նա սիրում է մոտոցիկլետով արշավներ, ֆուտբոլ, ջրային դահուկներ և վազք:
Ամբողջական հոդվածը կարող եք կարդալ այստեղ:
