News.am-ը գրում է․
Մարտունի քաղաքում Ադրբեջանի ռմբակոծությունից վիրավորվել է 24news.am-ի լրագրող Սևակ Վարդումյանը։ Այս մասին NEWS.am-ի հետ զրույցում ասաց 24news.am-ի օպերատոր Արթուր Հարությունյանը։
«Լրագրողի վիճակը հիմա նորմալ է, մեջքից բեկորային վիրավորում է ստացել։ Հիմա Ստեփանակերտի հիվանդանոցում է։ Իմ վիճակը լավ է»,– ասաց Արթուրը, որը լրագրողի հետ է եղել դեպքի ժամանակ։
24news.am լրատվական կայքի նկարահանող խումբը Մարտունիում նկարահանումներ անելիս է եղել, երբ հակառակորդը հարվածներ է հասցրել։
Ավելի վաղ հայտնել էինք, որ Մարտունիում Ադրբեջանի ռմբակոծությունից վիրավորվել են Le Monde-ի 2 լրագրող (Ֆրանսիայի քաղաքացիներ):
Մարտական գործողությունները լուսաբանելու ժամանակ հարձակման է ենթարկվել նաև «Արմենիա» Հ/Ը «Ժամը» լրատվական նկարահանող խումբը։ Վիրավորում է ստացել օպերատոր Արամ Գրիգորյանը, վնասվածքը թեթև է։
