News.am-ը գրում է․
NEWS.am–ի խմբագրություն է դիմել քաղաքացի, որի մայրիկին ոստիկաններն այսօր՝ հուլիսի 7–ին տուգանել են՝ բաց տարածքում ակնոցն ուղղելու պահին դիմակը մի փոքր իջեցնելու համար։
«Դիլիջանում մայրս բաց տարածքում քայլելիս է եղել դեպի դեղատուն, ակնոցը քրտնել է շոգից, ցանկացել է հանել ակնոցը, որի ընթացքում դիմակը իջել է քթից ներքեւ։ Ոստիկանները մոտենում են եւ հայտնում, որ արձանագրություն են պատրաստվում կազմել։ Նրան սպառնացել են տեսանկարահանել, այնուհետեւ ասել են, թե տանելու են բաժին»,- պատմեց քաղաքացին։
Քաղաքացու խոսքով՝ արձանագրության մեջ մեջ նշված չէ, թե որքան գումար պետք է իրենք վճարեն։ Այնուամենայնիվ, նա նշեց, որ պատրաստվում են վիճարկել այդ արձանագրությունը։
Նյութի աղբյուր՝ https://news.am/arm/news/589905.html?fbclid=IwAR3xq5WfbJ17jmm0WAMWv7rbzvrEacqKugRfYtruj0SNTNcXlc6G8Dp1MGA
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել