Tert.am-ը գրում է.
ՀՀ վարչապետ Նիկոլ Փաշինյանին Սյունիքի մարզկենտրոն Կապանում դիմավորել են կոչերով, որ նա ելույթ ունենա և հայտարարի, որ իր հայտարարությունները, թե Հայաստանն իրավապահ երկիր է, սուտ են:
«Ելույթ ունեցիր, որ սուտ էիր ասում: Իրավապահ դաշտը հիմա էլ քո ղեկավարության օրոք գործում է կոռուպցիոն գործողություններով, արդարացնում հանցախմբեր, որոնք Հայաստանի քաղաքացիների սպանություններով են զբաղվում, իսկ Դուք արհամարհում եք քաղաքացիներին»,-հայտարարել է կապանցին՝ հավելելով, որ քաղաքացիներին արհամարհող վարչապետը տեղ չունի այս երկրում:
«Քաղաքացիներին արհամարհող վարչապետը չարիք է Հայաստանի քաղաքացիների համար, պետության համար: Նման վարչապետը պետք է ազատի ժողովրդին ծառայող աշխատասենյակը: Ժողովրդին ծառայելու համար ժողովրդի կողքին կանգնած վարչապետ է պետք»,-նշել է քաղաքացին:
Հիշեցնենք, որ Սյունիքի մարզկենտրոն Կապանում տեղի է ունենում Նիկոլ Փաշինյանի մամուլի ասուլիսը։ Ինչպես նախկինում, այս անգամ ևս վարչապետը ներկայացրեց 100 փաստ Հայաստանի Կառավարության կատարած աշխատանքների մասին։
Մանրամասները՝ տեսանյութում:
