Tert.am-ը գրում է.
Գյուղացիների մտահոգությունը կիսում եմ, սպանդանոցների թիվը պետք է ավելացնել, բայց սպանդանոցային մորթին այլընտրանք չկա: Այս մասին Tert.am-ի հետ զրույցում ասաց ԱԺ «Իմ քայլը» խմբակցության պատգամավոր Ռուստամ Բաքոյանը: Նա ընդգծեց, որ խորհրդարանում պատգամավորների և մասնագետների հետ քննարկումից հետո կառավարությանն առաջարկություններ են ներկայացրել: Ըստ նրա՝ պարտադիր սպանդանոցային մորթի վերաբերյալ որոշման կիրառման երկարաձգումը լավագույն տարբերակը կլինի:
«Սպանդանոցների թիվը թույլ չի տալիս այս կարճ ժամանակահատվածում, որպեսզի կարողանան մորթը լիարժեք իրականացնել, հետևաբար՝ մի շարք խնդիրներ են առաջ գալիս: Առաջարկություններից մեկը նաև այն է, որ մոբիլ շարժական սպանդանոցներ ստեղծվեն։ Եթե պահանջում է ներդրումներ, ապա մսավաճառների բեռը թեթևացնելու համար անհրաժեշտ է սուբսիդավորել, օրինակ՝ ինչպես խելացի գումարի և ջերմոցների դեպքում կառավարությունը ծախսերի մի մասը վերցնում է իր վրա»,-մանրամասնեց նա:
Ամբողջական հոդվածը կարող եք կարդալ այստեղ