Panorama.am-ը գրում է.
ՀՀ երկրորդ նախագահ Ռոբերտ Քոչարյանը վիրահատությունից հետո մեկ շաբաթ «Իզմիրլյան» ԲԿ-ում անցկացնելուց հետո այսօր առավոտյան վերադարձել է քրեակատարողական հիմնարկ։
«Վիրահատությունը նորմալ էր անցել, առողջական վիճակը լավ է, երևի ամեն ինչ նորմալ է, որ թույլ են տվել տեղափոխվել»,-լրագրողների հետ զրույցում ասաց Քոչարյանի որդին՝ Լևոնը։
Նա հոր հետ հիվանդանոցում տեսակցվել է անցած ուրբաթ օրը։ Նրա հետ անցկացրել է մի քանի ժամ։
«Լավ էր, ապաքինվում էր, տրամադրությունը նորմալ էր»,-ասաց Լևոն Քոչարյանը։
Նրա խոսքով, իր եղբոր՝ Սեդրակ Քոչարյանի երեխաներին թույլ չեն տվել տեսակցել հիվանդանոցում գտնվող պապիկին։
«Տարբեր պատճառաբանություններ ներկայացրեցին, թույլ չտվեցին, ինչն աբսուրդ է»,-ասաց նա։
Նյութի աղբյուր՝ https://www.panorama.am/am/news/2019/10/21/%D4%BC%D6%87%D5%B8%D5%B6-%D5%94%D5%B8%D5%B9%D5%A1%D6%80%D5%B5%D5%A1%D5%B6/2184538
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել