Հայաստանում 2019 թվականի հունվար-օգոստոսինարտադրվել է 5 007.7 մլն կՎտ ժամ էլեկտրաէներգիա, ինչը 2018 թ-ի նույն ժամանակահատվածի համեմատ նվազել է 5%-ով։
Վիճակագրական կոմիտեի հրապարակած տվյալների համաձայն, այս տարվա ութ ամիսներին ՋԷԿ-երի արտադրությունը նվազել է 10 %-ով և կազմել 1 մլրդ 994.2 մլն կՎտ ժամ, ջերմային էներգիայի արտադրությունը՝ 30.9%-ով՝ կազմելով 17.9 հազար հեգաջոուլ:
Հայաստանի ատոմային էլեկտրական կայանն (ՀԱԷԿ) էլ արտադրել է 1 մլրդ 203.5 մլն կՎտ ժամ էլեկտրաէներգիա, ինչը 2018 թ-ի հունվար-օգոստոսի համեմատ 6.2%-ով նվազել է։
Ինչ վերաբերում է ՀԷԿ-երին, արտադրության ծավալներն այստեղ ավելացել են 6.7%-ով՝ կազմելով 1 մլրդ 798.7 մլն կՎտ ժամ։
Վիճակագրության համաձայն, այս տարվա ութ ամիսներին հանրապետությունում արևային էլեկտրակայաններն արտադրել են 9 մլն կՎտ ժամ էլեկտրաէներգիա՝ 2018 թվականին նույն ժամանակահատվածի համեմատ աճելով 2.9 անգամ, հողմային էլեկտրակայանների կողմից էլ արտադրվել 2.3 մլն կՎտ ժամ էլեկտրաէներգիա՝ աճելով 2.3 անգամ։
