Hraparak.am-ը գրում է.
Բարձրագույն դատական խորհրդում հերթական պաշտոնանկությունից հետո, երբ ԲԴԽ անդամ Արմեն Խաչատրյանը հերթական հրաժարականի դիմում գրեց, տեղեկացրել էինք, որ ԲԴԽ-ն քվորումի խնդիր է ունենալու։ Եվ իզուր է իշխանությունը հաղթանակ տոնում, որովհետև այն որոշ առումով պյուռոսյան է։ Եվ հաջորդ թեկնածուի՝ Սերգեյ Մեղրյանի հրաժարականից հետո այսօր արդեն ԲԴԽ-ն հայտարարություն է տարածել այն մասին, որ այսօր ժամը 16.00-ին նշանակված նիստը ՀՀ վճռաբեկ դատարանի քաղաքացիական և վարչական պալատի դատավորներին կարգապահական պատասխանատվության ենթարկելու հարցի վերաբերյալ գործի քննության արդյունքում որոշման հրապարակման հարցով չի կայանա։
Նկատի ունենալով այն հանգամանքը, որ «ՀՀ դատական օրենսգիրք» սահմանադրական օրենքի 92-րդ հոդվածի 2-րդ մասի համաձայն, խորհրդի նիստն իրավազոր է անդամների ընդհանուր թվի առնվազն երկու երրորդի ներկայության դեպքում, իսկ ներկա պահին Բարձրագույն դատական խորհրդի անդամների թվի անբավարարության պատճառով նիստն իրավազոր չէ։
