Tert.am-ը գրում է.
Լեռնային Ղարաբաղի գործող նախագահ Բակո Սահակյանի և նախկին նախագահ Արկադի Ղուկասյանի կողմից ՀՀ երկրորդ նախագահ Ռոբերտ Քոչարյանի խափանման միջոցը փոխելու մասին դատարան ներկայացրած երաշխավորությունը պետք չէ քաղաքականացնել: Այս մասին Tert.am-ի հետ զրույցում ասաց ԼՂ ԱԺ փոխնախագահ Վահրամ Բալայանը:
«Նրանք որպես միջնորդներ ներկայացրել են երաշխավորություն, ուզում են, որ քննությունը շարունակվի, բայց Ռոբերտ Քոչարյանը կալանքի մեջ չլինի: Քոչարյանն ասում է, որ հնարավոր չէ ինքը խուսափի քննությունից: Հիմնավորեց դա, այնպես որ, չեմ կարծում, թե խնդիր կա»,- նշեց պատգամավորը:
Վահրամ Բալայանն ասաց, որ ՀՀ նախագահ եղած մարդը չի կարող խուսափել պատասխանատվությունից, ուստի քննությունը կարող է շարունակվել, բայց Քոչարյանը մնա ազատության մեջ:
Արցախի ԱԺ փոխնախագահը նկատեց՝ սա Հայաստան-Արցախ հարց չէ, սա իրավական խնդիր է. «Մենք երկու պետություններ ենք, բայց մեր հարաբերությունները Ֆրանսիա-Գերմանիա հարաբերությունների պես չեն, մենք մի ժողովուրդ ենք, մի հոգսով ապրող, այնպես որ, միջնորդությունը չի նշանակում ներքին գործերին միջամտություն: Ժամանակին Վահան Շիրխանյանին ազատություն տալու միջնորդություն էին ստորագրել մեր պատգամավորները, բայց դա միջամտություն չէր:
Ամբողջական հոդվածը կարող եք կարդալ այստեղ