Yerkir.am-ը գրում է.
ԱՄՆ նախագահի աշխատակազմը, առանց պատճառաբանության, դադարեցրել է միջուկային մարտագլխիկների մասին տեղեկատվության բացահայտման պրակտիկան: Այդ մասին, ըստ Газета.ру-ի, հայտնում է Associated Press-ը` ընդգծելով, որ ԱՄՆ էներգետիկայի նախարարության ոչ վաղեմի նամակում, որը ուղարկվել է ամերիկացի գիտնականների ֆեդերացիա, պաշտոնյաներն առաջին անգամ հրաժարվել են բացահայտել համապատասխան տվյալները:
Նշվում է, որ վերջին անգամ այդ տվյալները հրապարակվել են 2018-ին: Ըստ Սպիտակ տան` 2017-ի սեպտեմբերի դրությամբ ԱՄՆ-ն ունեցել է 3,8 հազար միջուկային մարտագլխիկներ:
Գործակալությունը նշում է, որ ռուսական իշխանությունները նույնպես գաղտնի են պահում միջուկային մարտագլխիկների մասին տեղեկությունը:
Ի դեպ, Պենտագոնը հրաժարվել է պատասխանել AP-ի հարցմանը:
Նյութի աղբյուր՝ https://www.yerkir.am/news/view/172337.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել