Aysor.am-ը գրում է.
Վերաքննիչ քաղաքացիական դատարանը, դեկտեմբերի 14-ին գրավոր ընթացակարգով քննելով ՀՀ 2-րդ նախագահ Ռոբերտ Քոչարյանի ներկայացուցիչ Հայկ Ալումյանի վերաքննիչ բողոքը, մերժել է այն։
Հիշեցնենք՝ Քոչարյանը դիմել էր Երևան քաղաքի ընդհանուր իրավասության դատարան ընդդեմ ՀՀ վարչապետի պաշտոնակատար Նիկոլ Փաշինյանի կողմից հրապարակայնորեն արտահայտած զրպարտությունից պատիվը և արժանապատվությունը պաշտպանելու և հրապարակայնորեն ներողություն խնդրել պարտավորեցնելու պահանջի մասին: Նկատենք, որ փաստաբանը իր հայցադիմումի մեջ, մասնավորապես, խնդրել է.
«Պարտավորեցնել պատասխանող Նիկոլ Վովայի Փաշինյանին` հրապարակայնորեն ներողություն խնդրել հետևյալ արտահայտության համար. «... Կամ թեկուզ Ռոբերտ Քոչարյանին ազատ արձակելու մեկնաբանությունը։ Ասում է` անձեռնմխելի է։ Ի՞նչ է նշանակում անձեռնմխելի։ Այսինքն, կարելի է մարդկանց սպանությունը կազմակերպել ու ասել` «ես անձեռնմխելի՞ եմ»։ Այդ որտե՞ղ է այդպես գրած ...»։
Դատարանն ընդունել էր վարույթ փաստաբանի հայցադիմումը։ Սակայն փաստաբանը նաև միջնորդել էր, որպեսզի կիրառվի հայցի ապահովման միջոց, այն է՝ արգելել Նիկոլ Փաշինյանին հրապարակայնորեն մեկնաբանել ՀՀ երկրորդ նախագահ Ռոբերտ Քոչարյանի վերաբերյալ քննվող քրեական գործի հետ կապված հանգամանքները։ Մասնավորապես, փաստաբանը միջնորդել էր դատարանին, որպեսզի պարտավորցնի Նիկոլ Փաշինյանին մարտի 1-ի գործի ու Քոչարյանի վերաբերյալ հայտարարություններ չանել։
Ամբողջական հոդվածը կարող եք կարդալ այստեղ
