168.am-գրում է.

Թել Ավիվի քաղաքապետարանը հատուկ «եվրագյուղ» կկառուցի Եվրատեսիլի բացման կապակցությամբ, որը կկայանա 2019 թվականի մայիսին: Այդ մասին ՌԻԱ Նովոստիին հայտնել է քաղաքագլխի խորհրդական Իլանա Մխաելին, որը երգի միջազգային մրցույթի նախապատրաստման այլ մանրամասներ է պատմել:

«Մրցույթը կանցկացվի «Գանեյ-Տաարուխա» արդիականացված ցուցահանդեսային կենտրոնում, որը փորձերի ու համերգների ժամանակ կվերածվի բեմահարթակի ու հանրության համար նախատեսված դահլիճի, որոնք կտեղավորեն 9 հազար հանդիսականների:

Մայիսի 14-ին եւ 16-ին տեղի կունենան համապատասխանաբար կիսաեզրափակիչները, իսկ մայիսի 18-ին կկայանա գլխավոր իրադարձությունը՝ եզրափակիչն ու հաղթողների պարգեւատրումը»,- պատմել է գործակալության զրուցակցուհին: Թել Ավիվի քաղաքապետարանը, բացի մրցույթի անմիջական կազմակերպումից, մտադիր է մի շար հեիտաքրքիր միջոցառումներ անցկացնել «Եվրատեսիլի» շուրջ:

Միխաելիի խոսքով՝ Չարլզ Կլորի զբոսայգում՝ ծովափին, հյուրերի համար կստեղծվի «Եվրագյուղ», որտեղ տասն օրվա ընթացքում նոն-ստոպ ռեժիմով կանցկացվեն համերգներ բաց հարթակներում, տարբեր թեմատիկ ուղղվածության երեկույթներ, այնտեղ «Եվրատեսիլի» սիրահարները հավանաբար կհանդիպեն այդ մրցույթի նախորդ ու ներկա աստղերին: Քաղաքագլխի խորհրդականը ճշտել է, որ «Եվրատեսիլ-2019»-ը կլուսաբանեն շուրջ 1500 լրագրողներ, որոնց համար մամուլի կենտրոն կհանդերձվի ցուցահանդեսային համալիրի տարածքում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել