Bravo.am-ը գրում է.
Մայիսի 14-ին Իսրայելի մայրաքաղաք Թել Ավիվում կմեկնարկի «Եվրատեսիլ 2019» երգի միջազգային մրցույթը, որում Հայաստանը կներկայացնի երգչուհի Սրբուհի Սարգսյանը: Այսպես որոշվել է Հանրային հեռուստաընկերության եւ «Եվրատեսիլ»-ի հայաստանյան պատվիրակության ղեկավարության կողմից: Սա նշանակում է՝ «Դեպի Եվրատեսիլ» մրցույթն այս տարի չի անցկացվի: Փոխարենը հայտարարվել է երգի մրցույթ, որին կարող են մասնակցել բոլոր ցանկացողները: BRAVO.am-ը զրուցել է Սրբուկի հետ եւ հետաքրքրվել, թե ինչպես է հաստատվել իր մասնակցությունը, ինչպիսին են իր սպասելիքները, եւ նախապատրաստական ինչ աշխատանքներ են ընթանում այս պահին:
Երգչուհին նշեց, որ «Եվրատեսիլ 2019»-ում Հայաստանը ներկայացնելու առաջարկը Հանրային հեռուստաընկերությունից է ստացել: Խոստովանեց՝ բավական արագ է համաձայնել մասնակցել, քանի որ վերջին տարիներին անընդհատ իր անունն էր շրջանառվում մրցույթի կոնտեքստում.«Արդեն երրորդ տարին է՝ մեր ներկայացուցչի հարցը քննարկելիս սկսում է նաեւ իմ անունը շրջանառվել: Ու պետք է նշեմ, որ նախորդ տարի եւս շատ մոտ էի մրցույթին մասնակցելուն, սակայն դա հնարավոր չեղավ, քանի որ հենց այդ ընթացքում մասնակցում էի ուկրաինական «The Voice»-ին։ Այնպես որ, շատ ուրախ եմ նման հնարավորություն համար։ Բացի այդ, կարծում եմ՝ յուրաքանչյուր արտիստի համար մեծ պատիվ է սեփական ազգը, պետությունը միջազգային հարթակում ներկայացնելը»:
Շարունակությունը կարող եք կարդալ այստեղ
