Life.tert.am-ը գրում է.
Ամառային տաք տրամադրության և ժպիտի մեծ չափաբաժին է փորձել հաղորդել իր նոր ֆոտաշարքում «Էլենի օրագիրը» հեռուստասերիալից հայտնի, երիտասարդ դերասանուհի Հասմիկ Խոջյանը: Դերասանուհին լուսանկարները տրամադրել է Tert.am Life-ին, պատմել, որ այն չնախատեսված ֆոտոշարք է եղել և խոսել իր ոճային փոփոխությունների մասին:
Հասմիկը պատմեց, որ ֆոտոշարք ունենալու գաղափարը պատահական է ծնվել՝ Հաղթանակի զբոսայգում ընկերական հանդիպման ժամանակ: Լուսանկարներն արել է Լուսինե Թորոսյանը, որի հետ Հասմիկը համագործակցել է նաև իր նախորդ ֆոտոշարքերում:
«Նախապես չէինք ծրագրել ֆոտոշարք իրականացնել: Լուսանկարվելու գաղափարն ինձ մոտ տեղում ծագեց: Երբ զբոսնում էինք Լուսինեի և իմ համակուրսեցու հետ, Լուսինեն ասացի՝ ինձ այստեղ կնկարե՞ս: Միշտ ցանկացել էի այդ հատվածում լուսանկար ունենալ և այդպես խնդրանքս վերածվեց գեղեցիկ լուսանկարների:
Դերասանուհին ասաց, որ ֆոտոխցիկի առաջ հաճախ է հայտնվում և սիրում է պրոֆեսիոնալ լուսանկարներ ունենալ: Հասմիկի խոսքով, որպես կանոն թեմատիկան ինքն է մտածում և քննարկում լուսանկարչի հետ՝ փորձելով գաղափարը վերարտադրել լուսանկարներում: «Լուսանկարվել սիրում եմ, որովհետև լուսանկարներում կարելի է ֆիքսել այն գույները, որոնք մենք անընդհատ տեսնում ենք, բայց չենք ֆիքսում և դրանք կարելի է պահել ամբողջ կյանքի հիշողության համար: Ամենակարևորը՝ այդ հիշողությունները մեզ հետագայում լավ տրամադրություն փոխանցեն»:
Ամբողջական հոդվածը կարող եք կարդալ այստեղ։