Aysor.am-ը գրում է.
Ղազախստանի նախագահ Նուրսուլթան Նազարբաևը նախօրեին ՌԴ նախագահ Վլադիմիր Պուտինի հետ հանդիպմանն անդրադարձել է ՀԱՊԿ գլխավոր քարտուղար Յուրի Խաչատուրովի շուրջ ստեղծված իրավիճակին, հաղորդում է «Ինտերֆաքս»-ը:
«Բոլոր թեմաներից, որոնք պետք է քննարկենք, մեզ համար խնդրահարույց է դարձել ՀԱՊԿ գլխավոր քարտուղարի հարցը», - ասել է Ն. Նազարբաևը:
Ինչին ՌԴ նախագահ Վլադիմիր Պուտինն արձագանքել է.
«Կա լայն օրակարգ ՀԱՊԿ ու ԵԱՏՄ շրջանակներում հարաբերությունների վերաբերյալ: Կան նաև խնդրահարույց հարցեր, ինչպես նրանք, որոնց մասին դուք նշեցիք»:
Նշենք, որ ՀԱՊԿ գլխավոր քարտուղար Յուրի Խաչատուրովին ՀՀ ՀՔԾ-ն մեղադրանք է առաջադրել մարտի 1-ի գործով` սահմանադրական կարգը տապալելու համար՝ ՀՀ Քրեական օրենսգրքի 300.1 հոդվածի հատկանիշներով։
Ամբողջական հոդվածը կարող եք կարդալ այստեղ։
