Tert.am-ը գրում է.

Գրիգորի Խաչատուրովի վերաբերյալ հանրությանը հրամցվում է մի քանի միֆ, դրանց հիման վրա հարուցվում է քրեական վարույթ, ընդ որում՝ գործը չակերտների մեջ պետք է առնել, որովհետև նորմալ իրավական երկրում Գրիգորի Խաչատուրովի վերաբերյալ որևէ կերպ չէր կարող իրականացվել քրեական հետապդնդում։ Այս մասին հրավիրված մամուլի ասուլիսի ժամանակ ասաց Գրիգորի Խաչատուրովի պաշտպան Միհրան Պողոսյանը։

Նա նշեց, որ ԱԺ-ում Սեյրան Օհանյանին անձեռնմխելիությունից զրկելու քննարկման ժամանակ գլխավոր դատախազին ուղղվել է 12 հարց, որից 9-ի առանցքում եղել է Գրիգորի Խաչատուրովը։
Փաստաբանը մեջբերեց գլխավոր դատախազ Աննա Վարդապետյանի խոսքից մի հատված՝ «զորամասը վեր են ածել գումարի և պետական շահի տեսանկյունից դրան բացատրություն չկա»։

«Այն մարդիկ, ովքեր այս քրեական գործի շրջանակում կպնդեն, որ զորամասը վեր է ածվել գումարի, կա՛մ քրեական վարույթի փաստերից տեղյակ չեն, կա՛մ միտումնավոր  կեղծ և սուտ արտահայտություներ են անում՝ արատավորելու Գրիգորի Խաչատուրովի անունը։ Զորամաս, որպես այդպիսին, գոյություն չի ունեցել, դա միֆ է, որ հրամցվում է հանրությանը։ Գլխավոր դատախազը ԱԺ-ոմ պնդել է, որ օտարվել է զորամաս, ինձ հետ բերել եմ Էդգար Արշակյանի անունով սեփականության վկայականի պատճենը, որտեղ պարզվում է, որ որևէ զորանոց կամ զինվորների կացարան չկա։ Ինչպե՞ս հասկանանք, գլխավոր դատախազի այն պնդումը, որ դա զորամաս է եղել։ Ես առաջարկում եմ, որ նույն ԱԺ պատգամավորները, որ բողոքում են զորամասերի բացակայությունից, գնան և քնեն այնտեղ, չկա՛ այդպիսի զորամաս, ամենավատ տրամաբանությամբ էլ այդ շենքը հարմարեցված զորամաս չենք կարող անվանել»,- ասաց պաշտպանը։

Ամբողջական հոդվածը կարող եք կարդալ այստեղ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել