Evocabank-ի նոր mobile POS՝ mPOS գործիքի շնորհիվ ցանկացած բիզնես կարող է ստանալ անկանխիկ վճարումներ` ավելի հեշտ ու արագ: mPOS-ը ստանդարտ POS տերմինալի մոբայլ տարբերակն է, որը ցանկացած Android սմարթֆոն վերածում է վճարային տերմինալի:
mPOS-ը հատկապես հարմար է շարժական բիզնեսով զբաղվողների համար՝ բացօթյա խանութներ, սրճարաններ, միջոցառումների ընթացքում սննդի վաճառքի կետեր, օնլայն խանութներ, առաքման ծառայություններ, կամ ցանկացած այլ բիզնես, որը հաճախորդից վճարումն ընդունում է բիզնեսի տարածքից դուրս:
mPOS-ն ակտիվացնելու համար բիզնեսին պարզապես անհրաժեշտ է NFC ընթերցող Android սմարթֆոն, որը միացված է ինտերնետին, և Evoca-ի mPOS հավելվածը: Այն կարող եք ներբեռնել Google Play-ից` Android 8.1 կամ ավելի թարմ ծրագրային ապահովման դեպքում:
Հավելվածը ներբեռնելուց հետո պետք է մուտք գործել հավելված` Բանկի տրամադրած մուտքանունով և գաղտնաբառով: Եվ վերջ: Դուք արդեն կարող եք Ձեր հաճախորդներից ստանալ անհպում վճարումներ: Վճարում կատարելու համար հաճախորդը պարզապես մոտեցնում է Ձեր սմարթֆոնին իր քարտը կամ Apple Pay ունեցող հեռախոսը, որին կցված է Evoca վճարային քարտ:
- Ինչպե՞ս ստանալ Evoca mPOS
Evoca mPOS ունենալու համար լրացրեք օնլայն հայտն այստեղ: Մեր մասնագետը կապ կհաստատի Ձեզ հետ, կպատասխանի հարցերին ու կկազմակերպի գործընթացը:
Անհրաժեշտ է Evocabank-ում բացել իրավաբանական անձի համար հաշվեհամար, որպեսզի դրան մուտք լինեն Ձեր հաճախորդների վճարումները:
- Ինչու՞ օգտագործել mPOS` ավանդական POS տերմինալի փոխարեն
Ավանդական POS տերմինալն ավելի մեծ է, ծանր, պահանջում է որոշակի տարածք, լիցքավորում, անդորրագրի թուղթ, լրացուցիչ թղթաբանություն, իսկ mPOS-ն ավելի շարժական է, թեթև, թույլ է տալիս կատարել գործարքներ արագ և հեշտ` ցանկացած վայրից:
Ի դեպ, mPOS-ի տեղադրման ժամկետներն ավելի կարճ են:
- Ինչու՞ է mPOS-ը բարձրացնում Ձեր բիզնեսի արդյունավետությունը
mPOS գործարքներն ավելի արագ են, խնայում են Ձեր հաճախորդների ժամանակը, իսկ վճարման անդորրագրերն անմիջապես գալիս են էլեկտրոնային տարբերակով:
Դուք կարող եք վճարումներ ընդունել միաժամանակ մի քանի հաճախորդից` առանց սպասելու, որ POS տերմինալն ազատվի:
- Ինչու՞ է mPOS-ն ավելի շահավետ
mPOS ծառայությունը շահավետ է հատկապես փոքր բիզնեսների համար, որոնք այլևս չեն վճարի POS տերմինալի և ծրագրային ապահովման ու լրացուցիչ սպասարկման վճարների համար սահմանված ամսական 10,000 ՀՀ դրամը:
Ինչպես նաև` mPOS-ի դեպքում բացակայում է սարքի վնասվելու ռիսկը և վերջինիս հետ կապված ծախսերը:
Որպես թվային բանկ` Evocabank-ը մշտապես ներդնում է նորարար ֆինտեխ գործիքներ` տրամադրելով համաշխարհային թրենդերին համապատասխանող լուծումներ:
2022 թվականին Evocabank-ը 6-րդ տարին անընդմեջ ճանաչվել է Լավագույն սպառողական թվային բանկը Հայաստանում` ըստ Global Finance հեղինակավոր ամսագրի: (https://www.evoca.am/hy/news/prizes/global-finance-2022 )
