Երեկ, երբ այս հարցը նրան ուղղեցինք, նորանշանակ նախարարն անակնկալի եկավ․ «Որտե՞ղ եմ ես էդպես պնդել»։ Ասացինք՝ տարիներ առաջ, հարցազրույցներից մեկում։ «Դրան ես առանձին կանդրադառնամ, որովհետեւ ինչին Դուք հղում եք, դա որոշակի կոնտեքստում եւ որոշակի իրավիճակում դիտարկումներ են, կարծում եմ՝ նույնչափ գոնե պետք է ժամանակ հատկացնել դրան» (նկատի ունի՝ պարզաբանմանը)։ Այսինքն՝ չե՞ք հերքում, ամեն դեպքում։
«Ի՞նչը չեմ հերքում, որ տեսանյութում ե՞ս եմ՝ ոչ»։ Ոչ, նկատի չունենք տեսանյութում իր անձի մասը, այլ այն, որ ինքը նման մտքեր է արտահայտել եւ այսօր էլ կարծում է, որ նժդեհյան գաղափարախոսությունը ֆաշիստական գաղափարախոսություն է։ Պատասխանը նորից խուսափողական էր․ «Դուք չեք ստանա ինձնից պատասխան հարցին, որին, ես կարծում եմ, այդ ձեւաչափով պետք չէ պատասխանել»։ Կարծում եք՝ սխալմո՞ւնք է տեղի ունեցել, կամ սխա՞լ եք ասել այն ժամանակ։ Անդրեասյանն անդրդվելի էր․ «Ես ասում եմ այն, ինչ ասում եմ»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
