Lurer.com-ը գրում է.
Մեր համբերությունն անսահմանափակ չէ, և եթե Հայաստանը չկատարի իր պարտավորությունները, Ադրբեջանը կձեռնարկի անհրաժեշտ քայլեր, ասել է Ադրբեջանի նախագահ Իլհամ Ալիևը։
«Մենք կատարում ենք մեր բոլոր պարտավորությունները 2020 թվականի նոյեմբերի 10-ի հայտարարության մեջ։ Մենք դրանք կատարում ենք արդեն երկու տարի, իսկ Հայաստանը կատարո՞ւմ է դրանք։ Ոչ: Ղարաբաղյան երկրորդ պատերազմից անմիջապես հետո նա (Փաշինյան-խմբ.) այնքան վախեցավ, որ կատարեց այդ դրույթները և առանց մեկ կրակոցի մեզ վերադարձվեցին Ակնայի, Քարվաճառի և Բերձորի շրջանների օկուպացված տարածքները»,- երեքշաբթի օկուպացված Շուշիում ասել է Ալիևը։
Նա նշել է, որ այդ իրադարձություններից հետո Փաշինյանը կրկին սկսել է «ժամանակ շահել»։
«Կրկին ուզում եմ ասել, որ այս պարտավորությունը ամբողջությամբ չի կատարվել։ Ի՞նչ են անում հայկական զինված ուժերը Ղարաբաղում: Մեր համբերությունն անսահման չէ, և ես ևս մեկ անգամ ուզում եմ զգուշացնել, որ եթե այդ պարտավորությունը չկատարվի, Ադրբեջանը կձեռնարկի անհրաժեշտ քայլերը»,- ասել է Ալիևը։
