Հյուսիսային Օսիայի «Վերին Լարս» սահմանային անցակետով Վրաստան մուտք գործելու համար հերթ է կանգնած մոտ 2300 մեքենա։ Հյուսիսային Օսիայի ՆԳՆ-ն խորհուրդ է տվել չլքել Ռուսաստանը Վերին Լարսով: Նրանք նաև հայտնել են, որ ուժեղացրել են սահմանին հերթապահող Ճանապարհային պարեկային ծառայությունը, գրում է kommersant.ru-ն։

Ռուսաստանից Վերին Լարսով ելքի խցանում է ձևավորվել սեպտեմբերի 21-ին Ռուսաստանում մասնակի մոբիլիզացիայի հայտարարությունից հետո։ Հյուսիսային Օսիայի ներքին գործերի նախարարությունը հայտնել է, որ սեպտեմբերի 20-ին ավտոմեքենաների կուտակումներ չեն նկատվել։ Սեպտեմբերի 23-ին Վրաստան մուտք գործելու համար սահմանը հատելու հերթագրված էր մոտ 2000 մեքենա։ Վերջին մի քանի օրերի ընթացքում կտրուկ թանկացել են նաև Ռուսաստանից թռիչքների ավիատոմսերը, իսկ ռուսական օդանավակայաններում տղամարդկանց կուտակումներ են եղել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել