Tert.am-ը գրում է.
Թեհրանը պատրաստ է խորհրդակցություններ անցկացնել Երևանի և Բաքվի հետ` խնդիրների և տարաձայնությունների խաղաղ կարգավորմանն աջակցելու համար: Այս մասին Ադրբեջանի արտգործնախարար Ջեյհուն Բայրամովի հետ հանդիպմանն ասել է Իրանի արտգործնախարար Հոսեյն Ամիր Աբդոլլահիանը։
Ինչպես տեղեկացնում է Իրանի արտաքին քաղաքական գերատեսչության կայքը, իրանցի նախարարը, մատնանշելով Հարավային Կովկասում փոփոխությունների և տեղաշարժերի մասին հաշվետվություններն ու վկայությունները, ընդգծել է Թեհրանի հստակ դիրքորոշումը տարածաշրջանում ցանկացած աշխարհաքաղաքական փոփոխությունների և սահմանների անընդունելիության մասին:
Բայրամովն իր հերթին նշել է, որ Ադրբեջանը շահագրգռված է տարածաշրջանային համագործակցության շրջանակներում Հայաստանի հետ խնդիրների շուտափույթ լուծման հարցում:
Իրանը Հայաստանի և Ադրբեջանի սահմանների փոփոխություն թույլ չի տա։
