ՌԴ նախագահի մամուլի քարտուղար Դմիտրի Պեսկովը մեկնաբանել է ՌԴ նախագահ Վլադիմիր Պուտինի՝ երեկ Պետդումայի խմբակցությունների ղեկավարների հետ հանդիպման ժամանակ հայտարարությունն առ այն, որ Ռուսաստանի Դաշնությունը դեռ «լուրջ ոչինչ չի սկսել» Ուկրաինայում, գրում է ՌԻԱ «Նովոստի»-ն:

«Բոլորը պետք է իմանան, որ, մեծ հաշվով, մենք իրականում դեռ ոչինչ չենք սկսել»,- ասել էր ՌԴ նախագահը:

Այս առնչությամբ Պեսկովը նշել է, որ պետության ղեկավարն ուղղակի անդրադարձել է այն հայտարարություններին, որոնք հնչում են արևմտյան երկրներից, Կիևից, և ըստ որոնց՝ Կիևը մարտի դաշտում մինչև կգնա հաղթանակ։

«Պուտինն այսպիսով պարզապես հիշեցրեց, որ ներուժները միանգամայն անհամեմատելի են, և Ռուսաստանի ներուժն այս առումով այնքան մեծ է, որ դրա միայն չնչին մասն է այժմ օգտագործվում հատուկ ռազմական գործողության ընթացքում։ Եվ դրա համար էլ Արևմուտքի այս բոլոր հայտարարությունները բառիս բուն իմաստով անհեթեթ են և ուղղակի վիշտ են ավելացնում ուկրաինացի ժողովրդին։ Այն, ինչ երեկ ասել է նաև նախագահ Պուտինը»,- ուրբաթ լրագրողներին հայտնել է Պեսկովը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել