Ռուս-ուկրաինական պատերազմը երկար կտևի, քանի որ Մոսկվան չի ցանկանա զիջել իր դիրքերն ու հրաժարվել իր ագրեսիվ մտադրություններից։ Այս մասին radiosvoboda.org-ին տված հարցազրույցում ասել է Ուկարինայի ՊՆ գլխավոր հետախուզական վարչության ներկայացուցիչ Վադիմ Սկիբիցկին։
Ռուսական բանակի խնդիրը ներկայում արևելքում ուկրաինական ուժերը շրջափակելն է և հասնելը Լուգանսկի և Դոնեցկի շրջանների վարչական սահմաններին։ Միևնույն ժամանակ նա նշել է, որ ռուսական ռազմական ղեկավարության ծրագրերն ամեն ամիս փոխվում են:
Հետախուզությունը ենթադրել է, որ ակտիվ ռազմական գործողությունները կշարունակվեն մինչև տարեվերջ։
«Նա (Պուտինը) ոչ մեկին չի վստահում, ոչ մեկին չի լսում: Նա իր ծրագրերն ունի Ռուսական կայսրության վերականգնման համար: Պուտինը չի հրաժարվում իր ծրագրերից: Այս պատերազմը կձգձգվի: Դա կլինի սեպտեմբեր ամիսը կամ հոկտեմբերը, կամ մինչև տարեվերջ: Դա կախված է մեր դիմադրությունից, մեր պաշտպանական ուժերի վիճակից և օգնությունից, որը մենք ստանում ենք», - ասել է Սկիբիցկին:
Միևնույն ժամանակ, նա հիշեցրել է, որ հոկտեմբերի 7-ին Պուտինի 70-ամյակն է, և զինվորականները հավանաբար կցանկանան «նվեր» մատուցել նրան:
«Տարվա վերջում ձմռանը ցուրտ է լինելու, և ասում են, որ Ուկրաինան գնալու է բանակցային գործընթացի»,- նշել է Սկիբիցկին։
Պուտինը նախատեսում է ղեկավարել Ռուսաստանը մինչև իր օրերի վերջը, ըստ հետախուզության՝ Ռուսաստանի Դաշնության նախագահը վաղուց հրաժարվել է «իրավահաջորդի» տարբերակը։