Armsport.am-ը գրում է.
Մյունխենի «Բավարիայի» հարձակվող Ռոբերտ Լևանդովսկին կտեղափոխվի «Բարսելոնա»: Այս մասին հայտնում է Interia Sport-ը։
Աղբյուրի հաղորդմամբ՝ Լեհաստանի հավաքականի ավագը 3 տարվա պայմանագիր է համաձայնեցրել կատալոնացիների հետ։
Նշվում է, որ «Բարսելոնայի» առաջարկած պայմաններն ամենալավն են եղել բոլոր առաջարկների մեջ։ Ֆուտբոլիստը նույնիսկ բանակցել է «Ման Սիթիի», «Լիվերպուլի» և ՊՍԺ-ի հետ։
Ավելի վաղ հաղորդվում էր, որ Լևանդովսկին տարաձայնություններ ունի մյունխենյան ակումբի ղեկավարության հետ․ նրանք լեհ ֆուտբոլիստին առաջարկել էին պայմանագրի երկարաձգում՝ մեկ տարով։
33-ամյա հարձակվողը մյունխենյան ակումբի ղեկավարությանը հայտնել է ակումբի հետ պայմանագիրը չերկարաձգելու իր որոշման մասին։ Գործող պայմանագիրը նախատեսված է մինչև 2023 թվականի ամառ։
Հաղորդվում է, որ «Բավարիան» Լևանդովսկու համար պահանջում է 65 միլիոն եվրո, բայց գումարը կարող է ավելի ցածր լինել, եթե ներառվեն այլ խաղացողներ:
