Armsport.am-ը գրում է․
«Բարսելոնայի» հարձակվող Անտուան Գրիզմանը, որը վարձակալության հիմունքներով հանդես է գալիս Մադրիդի «Ատլետիկոյի» կազմում, մեկնաբանել է կատալոնական ակումբի՝ Չեմպիոնների լիգայից դուրս մնալը․
«Անհավանական է, չէ՞ որ «Բարսելոնան» միշտ եղել է Չեմպիոնների լիգայում, այն մի քանի տարի անընդմեջ դուրս է եկել փլեյ-օֆֆ։
Շատ բան է փոխվել։ Լեո Մեսսին հեռացել է, նա շատ կարևոր էր «Բարսելոնայի» համար։ Հետո փոխվեց մարզիչը ․․․ պետք է համբերություն ցուցաբերել ու վստահել նրանց, ովքեր աշխատում են ակումբում»,- ասել է Գրիզմանը։
Հիշեցնենք՝ մրցաշրջանի ավարտին «Ատլետիկոն» Գրիզմանին «Բարսայից» գնելու հնարավորություն կունենա։ Դրա համար մադրիդյան ակումբը պետք է 40 մլն եվրո վճարի։
Ընթացիկ մրցաշրջանում 30-ամյա ֆուտբոլիստը «Ատլետիկոյի» կազմում 20 հանդիպման է մասնակցել բոլոր մրցաշարերում, դարձել է 7 գոլի և 2 գոլային փոխանցման հեղինակ։