Ապա հաջորդ օրը լուսանկարվել էր Ճակատենի ցուցանակի տակ, գրելով` հենց այս պահին անվտանգ անցա ճանապարհով: Հաջորդ օրը ԱԱԾ-ն հաղորդագրություն էր տարածել, որ Ճակատենի մոտ թշնամին հերթական մաքսակետն է դնելու եւ համացանցում սկսեցին արձագանքել սյունեցի լրագրողին, գրվեց, որ նա մարզպետի քրոջ դուստրն է: Մենք կապվեցինք Հ1-ի լրագրողի հետ:
Նա նշեց, որ ինքը Սյունիքի մարզպետ Մելիքսեթ Պողոսյանի հետ ազգակցական կապեր չունի, բայց «նրան հարգում է իր հոր պես»։
- Դուք գրել էիք, որ Ճակատեն- Կապան ճանապարհի Ճակատենի հատվածով անցնելն անվտանգ է, այսօ՞ր էլ եք պնդում, որ անվտանգ է։
- Այսօրվա անվտանգության մասին խոսելը իմ գործառույթը չէ։
- Բայց Դուք նշում էիք, որ անվտանգ է, հիմա ինչո՞ւ չեք խոսում այդ մասին։
- Այո,եթե այդ պահին անվտանգ և առանց խոչընդոտի անցել եմ, բա ի՞նչ պետք է ասեի ։
- Ձեր ֆեյսբուքյան էջում Դուք Արսեն Թորոսյանի հետ նկար եք հրապարակել, սահմանադրական փոփոխությունների հանրաքվեին «Այո»-ի օրերից, Դուք ՔՊ-ի անդա՞մ եք, թե՞ համակրում եք կուսակցությանը։
- Արսեն Թորսյանի հետ նկարս մատնանշում է շնորհակալություն բուժաշխատողներին՝ նրա աշխատանքը այդ ոլորտում շատ բարձր եմ գնահատում։
- Իսկ «Հանրաքվեին՝ Այո՞»-ն։
- Հանրաքվեի արդյունքները փաստել են, որ Հայաստանում բոլորն են «Այո» պատասխանել։
- Այդ հանրաքվեն տեղի չի ունեցել, չեղարկվել է, ինչպե՞ս կարող էին դրան բոլորը «այո» ասել։
- 2018 թվականին հանրության մեծամասնությունը ընդունել է այս կառավարությանը, և այդ հանրաքվեն էական տարբերություն չէր ունենալու, հետևաբար ընդունում եմ, որ այն տեղի է ունեցել:
- Լավ, իսկ ինչ եք կարծում՝ Հանրային հեռուստաընկերության լրագրողը չպիտի՞ քաղաքական չեզոքություն դրսևորի։
- Քաղաքական չեզոքություն պետք է պահպանի ցանկացած լրագրող։
- Հիմա Դուք պահպանո՞ւմ եք քաղաքական չեզոքություն։
- Գիտեք՝ ես ապրում եմ Սյունիքում, իմ ընտանիքն այստեղ եմ կառուցել՝ սյունեցու կին եմ, և ինձ համար շատ կարևոր է, որ Սյունիքը լինի անվտանգ, իմ երեխաները մեծանան անվտանգ միջավայրում և ոչ մի սյունեցի չլքի իր տունը՝ կեղծ և խուճապ տարածող լուրերից: Ես գրեթե ամեն օր անցնում եմ սահմանային տարածքներով, լինում եմ սահմանային գյուղերում և տեսնում եմ, որ մեր կառավարությունը ինչ մեծ, հսկայածավալ աշխատանքներ է իրականացնում և չեմ կարող դրա մասին լռել ու չգոռալ, որ լավ է լինելու, միշտ էլ լինում են դժվարություններ, բայց դրանից պետք չէ հուսահատվել, լքել հայրենիքը, թողնել տունը... չի կարելի, անթույլատրելի է ամեն օր ասել, թե Սյունիքը տարան, Սյունիքը տվեցին, մենք այդպես դատարկում ենք գյուղերը ու գնում դեպի ծայրահեղության։
- Դուք հիմա Սյունիքը անվտա՞նգ եք համարում։
- Դուք քանի՞ անգամ եք Սյունիքում եղել։
- Բազմիցս, դա ի՞նչ կապ ունի։
- Գիտեք, երեկ իմ նկարի տակ մեկը գրել էին՝ սուտ է դա, ֆոտոշոփ է, ես ուզում եմ ասել, որ տանից նստել ու ասել՝ Սյունիքը տվեցին, շատ անտրամաբանական է: Հարցեր կան, որոնց պատասխանները 20 տարի առաջ պետք է լուծվեր, իսկ այսօրվա կառավարությունը Սյունիքի համար անասելի բարդ խնդիրներ է լուծում, անպատմելի լայնածավալ շինաշխատանքներ է իրականացնում: Պատերազմից հետո այստեղ է ապրում վարչապետի խորհրդական Ռոբերտ Ղուկասյանը և ամեն օր շրջում է սահմանային գյուղերով ու մտահոգվում յուրաքանչյուրի հոգսերով, լուծումներ տալիս անլուծելի հարցերին: Ես վստահ եմ, որ ամեն բան հաղթահարելի է, պարզապես պետք է լինել միասնական:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել