Tert.am-ը գրում է․
Tert.am-ի տեղեկություններով ՀՀ ԶՈՒ ԳՇ պետի տեղակալ Ստեփան Գալստյանը կալանավորվել է։
Դատավոր Կարեն Ֆարխոյանը բավարարել է կալանավորումը որպես խափանման միջոց ընտրելու վերաբերյալ ԱԱԾ քննիչի միջնորդությունը:
Հիշեցնենք, որ ավելի վաղ ՀՀ ԱԱԾ-ից տեղեկացրել էին, որ ՀՀ ազգային անվտանգության ծառայության քննչական դեպարտամենտում ՀՀ զինված ուժերի կարիքների համար ռազմամթերքի մատակարարման գործընթացում չարաշահումներ և առանձնապես խոշոր չափերով հափշտակություններ կատարելու դեպքերի առթիվ քննվող քրեական գործի շրջանակներում ձերբակալվել է նաև ՀՀ զինված ուժերի գլխավոր շտաբի պետի տեղակալի պաշտոնը զբաղեցնող Ս.Գ-ն:
Նույն օրը վերջինս նյութական ծանր հետևանքներ առաջացնող պաշտոնեական դիրքի չարաշահման և պաշտոնեական կեղծիք կատարելու համար ներգրավվել է որպես մեղադրյալ և միջնորդություն է ներկայացվել դատարան՝ կալանավորումը որպես խափանման միջոց ընտրելու համար: Այս մասին հայտնում է ՀՀ ԱԱԾ-ն:
Ամբողջական հոդվածը կարող եք կարդալ այստեղ
