168.am-ը գրում է․
Վրաստանի Լեյբորիստական կուսակցության առաջնորդ Շալվա Նեթելաշվիլին պահանջում է վերականգնել հասարակական տրանսպորտի աշխատանքը, հակառակ դեպքում սպառնում է ժողովրդին դուրս բերել Ռուսթավելի պողոտա։
Համաճարակաբանական իրադրության վատթարացման կապակցությամբ հասարակական տրանսպորտն իր աշխատանքը օգոստոսի 14-ից մինչեւ սեպտեմբերի 4-ը դադարեցրել է Վրաստանի խոշոր քաղաքներում՝ Թբիլիսիում, Բաթումում, Քութայիսում, Ռուսթավում եւ Զուգդիդիդում:
Վերջին շաբաթվա ընթացքում Վրաստանում կորոնավիրուսից մահացածների թիվն օրական գերազանցում է 50-ը: Հակառեկորդ է սահմանվել օգոստոսի 26-ին, երբ COVID-19-ից մեկ օրում մահացել է 79 մարդ: Ախտահարվածների թիվն աստիճանաբար նվազում է, բայց դեռեւս արտահայտվում է քառանիշ թվերով: Համաճարակաբանական բարդ իրադրությունը երկրում կառավարությանը հարկադրել է գնալ նոր սահմանափակումների, հաղորդել է Sputnik-ը: